Heart Touching Stories

 امریکہ میں مائیکروسافٹ نے "آئی ٹی ایکسپرٹ مینیجر برائے یورپ" کی ایک اسامی کیلئے درخواستیں ‌مانگیں تقریباً پانچ ہزار امیدواروں نے درخواستیں جمع کروائیں۔ بل گیٹس اتنے امیدواروں کو دیکھ کر پریشان ہوگیا اور

انہیں ایک بہت بڑے گراؤنڈ میں جمع کرکے ان سے مخاطب ہوا

بل گیٹس: آپ سب کا بہت شکریہ۔ چونکہ یہ اسامی بہت ہی اہم اور ٹیکنیکل ہے۔ لہذا آپ میں سے جو جاوا زبان کو جانتے ہیں، وہ موجود رہیں، باقی تمام حضرات سے معذرت، وہ جا سکتے ہیں ۔

ایک دیسی بھی امیدواروں میں کھڑا تھا۔ اس نے سوچا مجھے جاوا تو نہیں آتا لیکن پھر بھی میں‌ اگر رک جاؤں‌تو کیا حرج ہے۔ چنانچہ وہ وہیں کھڑا رہا۔جبکہ جاوا نہ جاننے والے ایک ہزار افراد چلے جاتے ہیں۔

بل گیٹس: ہماری آج کی مینیجر کی پوسٹ کے لیے مینجمنٹ کوالٹی بہت ضروری ہے۔ آپ میں سے وہ افراد جن کی ماتحتی میں‌ کم از کم سو افراد کام کر چکے ہوں، موجود رہیں، باقی سب جا سکتے ہیں۔

دیسی نے پھر سوچا کہ میرے تو گھر والے میرے ماتحت نہیں۔ لیکن کوئی بات نہیں۔ رک جاتا ہوں۔ ممکن ہے کوئی چانس بن جائے۔

امیدواروں میں سے ‌مزید ایک ہزار افراد چلے جاتے ہیں۔

بل گیٹس: اس جاب کےلیے ہیومن ریسورس مینجمنٹ کی ڈگری لازمی ہے۔ صرف اس ڈگری والے رکیں۔ باقیوں سے معذرت ۔

دیسی نے پھر سوچا کہ ڈگری وگری تو کوئی نہیں۔ مگر رک جانے میں کیا حرج ہے۔

ایک ہزار افراد مزید کم ہو گئے۔

بل گیٹس: ہمیں تجربہ کار مینجر کی ضرورت ہے۔ جس کے پاس کم از کم پانچ سالہ تجربہ ہے وہ موجود رہے۔ باقی جا سکتے ہیں۔

دیسی پھر سوچتا ہے کہ تجربہ تو کسی کام کا نہیں لیکن جانے سے بہتر ہے کہ بیٹھا رہوں۔ شاید چانس بن جائے۔

ایک ہزار مزید افراد گراؤنڈ سے چلے گئے۔

بل گیٹس: گڈ ! اب صرف ایک ہزار مناسب افراد بچ گئے ہیں۔ امیدوار کیلیے ضروری ہے کہ اسے یورپ کی کئی زبانیں آتی ہوں۔

یہ سن کر آخری ہزار میں سے پانچ سو افراد اٹھ کر چلے گئے۔ دیسی ، اردو، ہندی، پنجابی کے سوا کچھ نہ جانتا تھا۔ لیکن بہرحال رک گیا۔

بل گیٹس: گڈ۔ آپ تمام افراد بنیادی شرائط پر پورا اترے۔ اب وہی امیدوار رکے جو روسی زبان پر عبور رکھتا ہو‌.

یہ سن کر چار سو اٹھانوے افراد اٹھ کر چلے گئے۔ جبکہ دیسی اور ایک اور آدمی رک جاتے ہیں۔ اب آخری 2 افراد اور بل گیٹس گراؤنڈ میں موجود رہ گئے۔

بل گیٹس: بہت خوب! آپ دونوں ان 5 ہزار افراد میں سے سب سے زیادہ قابل نکلے۔ ویری گڈ۔ اب آپ دونوں ایک دوسرے سے روسی زبان میں بات چیت کریں۔ جو زیادہ صحیح بولے گا۔ وہ منتخب کر لیا جائے گا۔

دیسی نے سوچا اب منزل قریب ہے۔ کچھ نہ کچھ بولنا چاہیے۔ دوسرے آدمی سے مخاطب ہو کر کہا، "ہاں وئی اُستاد، سنا کی حال اے؟"

دوسرا آدمی، "شُکر اے اللہ دا۔ توں سنا؟"